اسلام آباد۔ 16ا پریل (اے پی پی) مسلم لیگ (ن) نا ترجمان مریم اورنگزیب پارینے کہ ڈپٹی اسپیکر قومی اسمبلی ءِ غیر آئینی رولنگ و سپریم کورٹ نا فیصلہ نا خلاف ورزی آ آرٹیکل 6 انا رداٹ سزا مرے، ڈپٹی اسپیکر نا برخلاف تحریک بے پتی پارلیمنٹ اٹ ساڑی ءِ، اوڑتون اتھارٹی اف کہ او دا جعلی استیفہ غاتے منظور کے ہر افتے باسک آک تتنوہم۔ ہفتہ نادے آ داڑے میڈیا تون گپ وتران کرسا اوپارے کہ پی ٹی آئی نا ہرا استیفہ غاک مون آ بسر اوفتا ٹیکسٹ ہم اسٹ ءِ، گڑاسےنا فوٹو کاپی ء، و اسہ ہی فارمیٹ نا رداٹ تیار کننگانو، دا غٹ استیفہ غاک غیر کانودی و غیر آئینی ءُ۔ اوپارے کہ پاکستان تحریک انصاف نا چندی اسمبلی نا باسک آک پارینو کہ نن استیفہ تتنون ہرافتا سرجم آک ہم زوت مون آ بریرہ۔
