اسلام آباد۔ 16 اپریل (اے پی پی) قطر انا وزیراعظم شیخ خالد بن خلیفہ بن عبدالعزیز آل ثانی شہباز شریف ءِ وزارت عظمیٰ نا منصبءِ سنبھالنگ آ مبارکبادی تسنے۔ تینا تہنیتی کلہو اٹی اووزیراعظم شہباز شریف کن نیک است خواہی نا درشانی ءِ کرینے۔ پی ایم میڈیا آفس نا جاری پریس ریلیز نا رداٹ وزیراعظم شہباز شریف پارے کہ نم تون سنگتی پاکستان نانہادی میرات ءِ، ہڑتوم آ ملک آتا تعلقداری ءِ پین کڑمب و ودفنگ خوانہ۔ اوپارے کہ قطر و پاکستان اِرا ایلم ملک ءُ ہرافتا تاریخی سنگتی تین پہ تینی پت و کمکاری آٹی ءِ، وزیراعظم شہباز شریف مستی پارے کہ ہڑتوم آ ملک آتیٹی خڑکی تعلقداری تے پین سوگو و پکا کننگ نا خواہندار اُن۔ وزیراعظم شہباز شریف قطر انا تینا ہم منصب نا نیک است خواہی تیا ورندی خیرخواہی نا جوزہ غاتے اٹ منت واری ءِ ہم ہرفے۔
