اسلام آباد۔ 16 اپریل (اے پی پی) تدوک آ مسہ سا ل اٹی پاکستان اٹی ڈٹ آتا سرسہبی ناکچ گچین مسنے۔ ایشیائی شونداری بینک (اے ڈی بی ) نا انڈیپنڈنٹ ایویلیوایشن (آئی ای ڈی) شعبہ نا ’’سالانہ ایویلیو ایشن رپورٹ 2022‘‘ نا رداٹ داوخت اٹی ڈٹ آتا سرسہبی نا کچ اٹی 6 درسد ودکی مسنے۔ سال 2018-2020اٹی دا کچ 58 درسد ئسک ولے سال 2019-2021کن ڈٹ آتا سرسہبی نا کچ 64 درسداسکان ودا۔ داوخت اکن نیامی و دیکی ایشیانا ملک آتیٹی ڈٹ آتا سرسہبی نا کچ 66 درسد ریکارڈ کننگانے۔ رپورٹ اٹی پاننگانے کہ ڈیہہ نا گڑاس بھلا ملک آتیٹی بھلا ڈٹ آتا سرسہبی نا کچ اٹی ودکی مسنے و پاکستان اٹی سال 2018-2020اٹی دا کچ 58 درسد ئسک ولے 2019-2021اٹی 64 درسد اسکان ودا۔ ہنداوڑ قازقستان اٹی 2018-2020اٹی سرسہبی نا کچ 67 درسد ئسک ہرا 2019-2021اٹی 75 درسد و ازبکستان اٹی 70 درسد آن 78 درسد وخت اس کہ آذربائیجان اٹی 60 درسد آن 63 درسد اسکان سرمس۔
