اسلام آباد۔ 16 اپریل (اے پی پی) وزیراعظم محمد شہباز شریف پوسکن گچین مروک آ اسپیکر راجہ پرویز اشرف ءِ غٹ سرکڑدہ و ایوان نا کندآن دلی مبارکبادی تسنے۔ اسپیکر نا سوغندی آن پد اوپارے کہ مچ آ ایوان نے منصب اعلیٰ آ فائز کرفینے، نی اسہ جوان ءُ پارلیمنٹیرین اسے اُس و وزیراعظم نا منصب آ ہم رہینگانس۔ اوپارے کہ ای بطور خادم اعلیٰ پنجاب نیتون کاریم کرینٹ۔ نے اللہ تعالیٰ پبی لائخی تسنے و اومیت ءِ کہ دا منصب آ تولسا تینا فرض ءِ پبی وڑاٹ سرایتسہ و مچ آایوان تون اسہ وڑ کاسہ۔ آئین و کانود نا حکمرانی و پارلیمان نا بالادستی ءِ پک کیسہ و تاریخ اٹ تینکن پن اس کٹسہ۔ ننا غٹ انا دعاک نیتون ءُ۔
