اسلام آباد۔ 16 اپریل (اے پی پی) پاکستان پیپلزپارٹی نا باسک قومی اسمبلی راجہ پرویز اشرف بے مقابلہ غان قومی اسمبلی نا اسپیکر گچین مسنے۔ ہفتہ نادے آ قومی اسمبلی نا دیوان اٹی صدر نشیں سردار ایاز صادق پارے کہ ڈپٹی اسپیکر قاسم خان سوری تینا استیفہ ءِ تسنے و اسمبلی سیکرٹریٹ اودے پک کرینے ہنداخاطرآن اونا استیفہ ءِ منظور کننگانے۔ قومی اسمبلی نا اینو ناایجنڈاٹی ڈپٹی اسپیکر نا برخلاف تحریک بے پتی نا آئٹم آ عملدرآمد مفک۔ سردار ایاز صادق پارے کہ اسپیکر نا گچین کاری کن سید خورشید احمد شاہ و نوید قمر راجہ پرویز اشرف نا پن ءِ تسر ہرانا مقابلہ ٹی پین اومیتدار اس تینا کاغد آتے جمع کرفتو ہنداخاطرآن راجہ پرویز اشرف ءِ بے مقابلہ غان اسپیکر گچین کننگک۔ اوکان پد سردار ایاز صادق پوسکن گچین مروک آ اسپیکر راجہ پرویز اشرف آن اونا عہدہ نا سوغند ہلک۔
