کوئٹہ۔ 15 اپریل (اے پی پی) بلوچستان نیشنل پارٹی نا مرکزی سینٹرل کمیٹی نا صوبائی اسمبلی نا باسک ثناء اللہ بلوچ پارینے کہ خاران نا تعلیمی نظام نا گچینی کن تاریخی گام گیج کرینن خاران نا چندی پرائمری اسکول تے مڈل نا درجہ چندی مڈل اسکول آتے ہائی نا درجہ تننگا و پوسکن آ پرائمری اسکول تا منظوری تعلیم سنگتی نا شاہدی اسے۔ صوبائی اسمبلی نا باسک ثناء بلوچ پارے کہ خاران نا تعلیمی نظام ءِ گچین کننگ نا خاطر اولیکو دے آن کنا کوشست مسنے انتئے کہ تعلیم آن بیدس قوم تا شون ممکن اف ننا بروک آ چین ننا آخبت نا جوڑ کروک آک ءُ اوفتے تعلیمی زیور آن شپ کننگ بھاز المی ءِ ، واجہ ثناء بلوچ پارے کہ اخس اسکول آتا اپ گریڈیشن پین ارے اوفتیا کاریم برجاءِ۔ انشاء اللہ بھاز زوت اوفتیا کاریم پورو مریک۔ واجہ ثنا بلوچ پارے کہ کنا سیاست نا مسخت خاران نا الس نا خذمت و خاران نا حقی ویل آتے ایسر کننگ تینا حقی فلسفہ تکیوہ ۔
