لاہور۔15اپریل (اے پی پی):لاہور ءَ ناشناسیں مردماں تیرگوار ی کتگء ُ 4 مردم کُشتگ اَنت۔ ریسکیو 1122 ءِ جارچین ءِ ردءَ صوبائی حکومت ءِ دمگ گرین ٹاؤن ءَ کالج روڈ امیر چو ک ءِ نزیک ءَ ناشناسیں مردم یک لوگے ءَ پُترتگ اَنت ءُ تیرگواری کتگ کہ ایشی ءَ چہ 4 مردم بیران بوتگ اَنت۔ بیران بوتگیں مردمانی تہا 60 سالی 60 سالی غلام حسین، 55 سالی آسیہ بی بی، 15 سالی ہمایوں ء ُ 35 سالی راحیلہ ہوار اَنت۔ ریسکیو 1122 ءَ جون نادارہ جاہ ءَ سرکتگ اَنت۔ پنجاپ ءِ سروزیر عثمان بزدار ءَ گرین ٹاؤن ءِ دمگ ءَ لوگ ءِ تہا تیرگواری ءِ سرءَ نوٹس زُرت ء ُ انسپکٹر جنرل پولیس ءَ چہ رپورٹ لوٹ اِتگ۔ آئی ءَ ملزم آنی زوت دزگیری کنگ ءِ حکم داتگ ءُ گشتگ کہ کُشتگیں مردمانی حاندان ءَ ہرچ وڑءَ انصاف دیئگ بہ بیت۔ سروزیر ءَ بیران بوتگیں مردمانی حاندان ءَ گوں ہمدردی ء ُ دلپدردی ءِ درشانی کتگ۔ سروزیر ءِ حکم ءِ پد ءَ ادارُکی سی سی پی او شہزاد سلطان ءَ نوٹس زُرتگ ء ُ ایس ایس آپریشنز ءَ چہ رپورٹ لوٹ اِتگ۔ سی سی پی او ءَ اندوہناکیں کوش ءِ تہا ہواریں مردماناں زوت دزگیر کنگءِ پنت ء ُ شون کتگ۔
