اسلام آباد۔ 14اپریل (اے پی پی) وزیراعظم شہباز شریف پارینے کہ بنجائی دارالحکومت نا چندی علاقہ غاتے میٹرو بس سسٹم تون گنڈنگ کن فزیبلٹی رپورٹ اسے نا تیاری نا پرما ن کرینن۔ پنچ شنبے نادے آ تینا ٹویٹ اٹی وزیراعظم شہباز شریف پارے کہ حکومت شاری تے گچین، باعزت، اڑزآن و چاگڑد دوست ٹرانسپورٹ سروس نا فراوانی آ یخین تخک۔ وزیراعظم پارے کہ پنچ سال گدرینگ انگ آن پد ہم پشاور موڑ آن ایئر پورٹ اسکان میٹرو نا ڈٹ پورو مننگ کتنے۔ وزیراعظم پارے کہ ای دا ڈٹ اٹ ہرے نا جاست وپاست و کاریم ءِ زوت پورو کننگ نا پرمان کرینٹ۔ اوالسی راجی آسراتی نا دا ڈٹ اٹ ہرے و دانا سوب آن خڑچ اٹی ودکی ءِ بدبختی اس گوندا۔ وزیراعظم پارے کہ عمران خان نا حکومت اٹی ملکی زرگزران نا غٹ بشخ آک جمود نا گواچی ئسر۔
