لاہور۔ 14 اپریل (اے پی پی) لاہور نا احتساب عدالت مسکوہی صوبائی وزیر سبطین خان تون اوار ہشت دوبہ دار آتا برخلاف چنیوٹ اٹی من پسند کمپنی ءِ مائنز نا ٹھیکہ تننگ نادوبہ ٹی ریفرنس نا سماعت ءِ 9 مئی اسکان پدبٹسا بروک آ سماعت آ شریک دوبہ دار شاہد نا کنڈآن فرد جرم بیٹ کننگ نا برخلاف دائر درخواست آ دلیل بٹنگا۔ احتساب عدالت نا جج محمد ساجد علی اعوان پنچ شنبے نادے آ کیس انا سماعت کرے۔ سماعت اٹی تحریک انصاف نا پنجاب اسمبلی ٹی پارلیمانی لیڈر، مسکوہی صوبائی وزیر سبطین خان تون اوار ریفرنس نا ایلو دوبہ دار منظرحیات، مسکوہی سیکرٹری مائنز اینڈ منرلز ڈیپارٹمنٹ امتیاز احمد چیمہ ، مسکوہی جنرل مینیجر محمد اسلم و چیف انسپکٹر مائنز پنجاب عبدالستار ، سلمان غنی و محمد شاہد پیش مسر۔ عدالتی کارندہ دوبہ دار آتا حاضری ءِ پورو کرے، شریک دوبہ دار شاہد فرد جرم بیٹ کننگ نا برخلاف درخواست دائر کرے ہراڑ آ عدالت بروک آ سماعت آ دلیل بٹنگا۔ سبطین خان ہم ریفرنس نا کانودی حیثیت ءِ چیلنج کرسا درخواست اٹی موقف اختیار کرے کہ عدالت اٹ ریفرنس دائر کننگ آن مست پراسیکیوٹر جنرل نا رضامندی ءِ ہلنگتو۔ داریفرنس اٹی سبطین خان تون اوار غٹ دوبہ دار آتا لاہور ہائی کورٹ آن 19 ستمبر 2019 ءآ ضمانت آتے منظور کننگاسس۔

متعلقہ مضامینمصنف کی طرف سے مزید