اسلام آباد۔ 14 اپریل (اے پی پی) مچ آ ملک اٹی جان جوڑی آسراتی پروگرام نا رداٹ غٹ ہسپتال آتیٹی مفت درمان نا آسراتی تا فراوانی برجاءِ۔ پنچ شنبے نادے آ قومی وزارت جان جوڑی نا کنڈآن جاری ٹویٹ اٹی پاننگانے کہ فہرست اٹی اوار ہسپتال جان جوڑی آسراتی کارڈ نا خذمت فراوان کرسا کیک، اگہ نمے چیلنج اس مون تروک ءِ تو ننا ہیلپ لائن 080009009 کال کبو یا کمک کن ہسپتال اٹی جان جوڑی آسراتی کارڈیسک تون رابطہ کبو۔ دا بابت سوشل میڈیا نا کمک اٹ تالان کروک آ خبر آک بے بنیاد ءُ، ہروڑنا فریشانی نا حالیت اٹ ہیلپ لائن آ کال کبو۔
