کوئٹہ۔ 14 اپریل (اے پی پی) بلوچستان حکومت نا ترجمان فرح عظیم شاہ پارینے کہ بلوچستان عوامی پارٹی نا 14 باسک آتا کنڈآن وزیر اعلیٰ بلوچستان میر عبدالقدوس بزنجو ءِ پارٹی نا قائد ایوان ڈکلیئر کننگ داہیت ءِ پک کننگ ءِ کہ اسمبلی نا باسک آتا وزیراعلیٰ نا کماشی آ پورو پت دوئی ءِ اوپارے کہ بلوچستان عوامی پارٹی صوبہ ٹی امن ءِ برجاتخنگ ءِ تینا اولیت تکنگ ءِ۔ ترجمان پارے کہ اسمبلی نا باسک آک وزیراعلیٰ نا کماشی، الس نا راجی آسراتی کن برجا حکومتی پالیسی تیا پورو پت انا درشانی ءِ کریر فرح عظیم شاہ پارے کہ ریکوڈک ڈٹ بیرک گولڈ انا پاکستان تون معاہدہ جرمانہ نا تلافی و ڈٹ ءِ دُوارہ بناکننگ آ امنائی آن بلوچستان نا قسمت بدل مریک، و 11 ارب ڈالر نا جرمانہ نا تلافی تون اوار اوار 10 ارب ڈالر نا زرکاری ہم مریک۔ فرح عظیم شاہ نا پاننگ ئس کہ دا زرکاری آن بلوچستان اٹی ملازمت آتا 8 ہزار وارخواہی ودی مریک۔ ہراڑآن بنجائی و صوبائی حوکمت آتے خراج آتامد اٹی ارب آ ڈالر نا ریونیو دوئی مریک، ترجمان پارے کہ وزیراعلیٰ بلوچستان نا وژن نا رداٹ بلوچستان نا شونداری ٹی اپوزیشن مرے یا حکومتی باسک آک غٹ ءِ اوار ہلسا کانہ و اسہ ہم علاقہ و خلق اسے گوجالپنہ۔ ترجمان نا پاننگ ئس کہ بلوچستان عوامی پارٹی اسہ سوگو ءُ پارٹی اسے و بھاز زوت انٹراپارٹی گچین کاری تے ہم کرفک۔
