کوئٹہ۔ 14 اپریل (اے پی پی) صوبائی سلاہکار داخلہ و قبائلی امور میر ضیاء اللہ لانگو صوبہ ٹی بروک آ بلدیاتی گچین کاری تا بابت تینا اسہ بیان اسے ٹی پارینے کہ بلوچستان عوامی پارٹی بلدیاتی گچین کاری تیٹی پبی وڑاٹ بشخ ہلیک و انشاء اللہ کلین سویپ ہم کیک ۔ اوپارے کہ دا رداٹ کارندہ غاک تینا پورو وڑاٹ تیاری ءِ کیر۔ بلدیاتی گچین کاری تیٹی سرسہبی کن قلات اٹی ہم اسہ اہم ءُ دیوان اس اڈتننگ انگ ءِ ہراٹی آخبت نا لائحہ عمل ءِ طے کننگ کن سلابت کننگک۔ اوپارے کہ الس مفاد پرست آتے جوان چاہک و مستین اٹ دا مفاد پرست آتے الس پورو وڑاٹ مسترد کرینے۔ بلوچستان عوامی پارٹی ہر ریسہ و ہرمشکل نا ساہت اٹی الس نا توار مرسا اوفتا ویل آتے ایسر کرینے۔ بلوچستان عوامی پارٹی صوبہ و الس نا ویل آتے ایسر کننگ کن ہروخت تیار ءِ۔ اوالس آن خواست کرے کہ بلدیاتی گچین کاری تیٹی حقی نمائندہ غاتے گچین کننگے تانکہ نما ویل آک نما درگہ غا ایسر مریر۔
