کراچی۔13اپریل (اے پی پی): مزن وزیر محمد شہباز شریف ءَ سر وزیر ءَ را صوبہ سندھ ءِ مردم آنی جان ءُ مال ءِ رکھینگ ءُ گہبود ءَ را دل یکیمی کنگ ءِ واستہ ھمک رنگیں گامگیج کنگ ءِ پنت ءُ شون کتگ۔ چار شمبے ءِ روچ ءَ میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ سر وزیر سندھ سید مراد علی شاہ ءَ گوں گند ءُ نند کت ءُ صوبگ ءِ انتظامی ءُ ایمنی ءِ ھواریں جاور ھال آنی سر ءَ ھیال ریچی کت۔ مزن وقزیر ءَ سر وزیر ءَ را صوبگ ءِ مردم آنی جان ءُمال ءِ رکھینگ ءُ گہبود ءَ را دل یکیمی جوڑ کنگ ءِ واستہ ھمک رنگیں کوشست کنگ ءِ پنت ءُ شون کت۔ سر وزیر سندھ ءَ مزن وزیر محمد شہباز شریف ءَ را مزن وزیر ءِ سیٹ ءِ سر ءَ نندگ ءِ پد ءَ وتی کایبنہ ءِ نیمگ ءَ مبارک بات دات۔ ءُ آئی ءَ دل یکیمی دات کہ آ بنجاھی حکومت ءِ گوما یکجائی ءَ سندھ ءِ الس آنی گہبود ءِ واستہ توامیں استیں گامگیج آناں کارمرز کناں۔ گند ءُ نند ءَ راجی اسمبلی ءِ باسک شاہد خاقان عباسی ، مریم اورنگزیب ، خالد مقبول صدیقی، مولانا اسعد محمود، احسن اقبال ءُ ایندگر ھم ساڑی اتنت۔
