کراچی۔ 13 اپریل (اے پی پی) وزیراعظم محمد شہباز شریف بابائے قوم قائد اعظم محمد علی جناح نا مزار آ حاضری تس ، دعا پاتیا کرے و مزار آ پھل آتا چادراس شاغا، چارشنبے نادے آ وزیراعظم نا کراچی بالی پٹ آ بننگ آ وزیراعلیٰ سندھ سید مراد علی شاہ اودے بخیر کرے و وزیراعظم تون تینا کابینہ نا باسک آتا درستی راستی ءِ کرفے۔ اوکان پد وزیراعظم، وزیراعلیٰ سندھ و سیوتی جماعوت آتا راہشون تتون اوار قائد نا مزار آ سرمس، اومزار آ پھل آتا چادراس شاغا ، دعاپاتیا کرے و مہمان تا کتاب اٹ تینا تاثرآتے ہم نوشتہ کرے۔ داوخت آ وزیراعلیٰ سندھ سید مراد علی شاہ، ایم کیو ایم پاکستان نا سروک خالد مقبول صدیقی، جمعیت علمائے اسلام (ف) نا قومی اسمبلی ٹی پارلیمانی لیڈر مولانا اسعد محمود، مسکوہی وزیراعظم شاہد خاقان عباسی ، مریم اورنگزیب ، اکرم درانی و ایلو راہشونک ہم اوڑتون اوار ئسر۔
