اسلام آباد۔12اپریل (اے پی پی): مزن وزیر شہباز شریف ءَ ملک ءِ جیڈھ معاشی جاور ھال ءُ اقتصادی جیڈھ آنی گیواری ءِ واستہ زوتیں بنیات ءَ معاشی شور ءُ مشور ءُ سپارش آنی تیاری ءِ پنت ءُ شون کتگ۔ سئے شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ پنت ءُ شون کتگ کہ اے شور ءُ مشور ، کشت ءُکشار، صنعت، سرمایہ کاری، بینکاری، سوداگری، کاروباری ربات آں ھوار توامیں سیادی داروکیں تبک ءِ لیکہ ءِ رد ءَ رد ءُ بند کنگ بہ بیت۔ اے رد ءَ آیوکیں لستیں روچ آنی تہ ءَ سمٹ برجم دارگ ءِ پیسلہ ھم کنگ بوتگ۔ بیان ء، رد ءَ حکومت ءَ نیشنل اکنامک کونسل جوڑ کنگ ءِ پیسلہ کتگ اے کونسل در ابید ءُ نامداریں معاشی کلانہ آنی بیت۔ مزن وزیر ءِ سیٹ ءَ نندگ ءَ پد مزن وزیر ءِ سروکی ءَ زوتیں بنیات ءَ معاشی کلانہ آنی سپارش آنی تیاری ءِ حکم دیگ بوتگ۔ سیکرٹری ھزانگ ءَ دیوان ءَ ملکی معاشی جاور ھال، ریونیوز، بجٹ ڈکالی، توکی ءُ ڈنی وام آنی جاور ھال آں ھوار راجی بیلنس شیٹ ءِ ھوالگ ءَ سرجمیں بریفنگ دات۔
