اسلام آباد۔12اپریل (اے پی پی):مزن وزیر محمد شہباز شریف ءَ گوں پاکستان ءَ السی جمہوریہ چین ءِ ناظم الومور پھینگ چُنگزو ءَ سئے شمبے ءَ مزن وزیر کارگس ءَ وش اتک کت۔ پھینگ چُنگزور ءَ آئی ءَ را مزن وزیر ءِ سیٹ ءَ نندگ ءِ پد ءَ چین ءِ حکومت ءُ سروک آنی نیمگ ءَ مبارک بات پیش کت ءُ نیکیں واھگ ءُ کلوہ آناں پجارینت۔ چین ءِ ناظم الومور …
مزن وزیر محمد شہباز شریف ءَ چینی ناظم الامور ءِ خیر سگالی گند ءُ نند ، چین ءِ حکومت ءُ سروک آنی نیمگ ءَ چہ مبارک باتی کلوہ پجارینت
گیشتریں ھال
اسلام آباد۔12اپریل (اے پی پی):مزن وزیر محمد شہباز شریف ءَ گوں پاکستان ءَ السی جمہوریہ چین ءِ ناظم الومور پھینگ چُنگزو ءَ سئے شمبے ءَ مزن وزیر کارگس ءَ وش اتک کت۔ پھینگ چُنگزور ءَ آئی ءَ را مزن وزیر ءِ سیٹ ءَ نندگ ءِ پد ءَ چین ءِ حکومت ءُ سروک آنی نیمگ ءَ مبارک بات پیش کت ءُ نیکیں واھگ ءُ کلوہ آناں پجارینت۔ چین ءِ ناظم الومور ء۔ زور پر دسات کہ چین مزن وزیر شہباز شریف ءِ یک مھکمیں ءُ پکوئیں جزم داروکیں وتی دوست ءِ رنگ ءَ چار ایت۔ آئی ءِ چین ءَ بے کساس توسیپ ءُ ستا کنگ بیت۔ آئی ءَ گوستگیں دور ءِ حکومت ءَ سر وزیر پنجاپ چین پاکستان اقتصادی راہداری (سی پیک) ءِ دیمروئی ءِ واستہ مزن وزیر ءِ واھشت آنی ھم توسیپ ءُ ستا کت۔ چین ءِ سروکی ءِ واستہ جوانیں جوزگ ءُ واھش آنی درشان ءَ کنان ءَ مزن وزیر مزن وزیر ءَ چین ءِ وتی جتا جتائیں تر ءُ تاب ءِ ساھت ءَ صدر شی جن پنگ ءِ گوما گند ءُ نند ءِ شرپ رستگ ءُ صدر شی ءَ پاکستان ءِ گوما یکوئی ءِ دیمروئی دیگ ءِ واھشت زرتگ۔
