اسلام آباد۔ 12 اپریل (اے پی پی) وزیراعظم شہباز شریف ملک ءِ مون تروک سنگین زرگزرانی حالیت آتیا سرجمی اٹ سجفنگ و اہم مالیاتی فیصلہ غاتیکن زرگزرانی چاہندار آتا ہلہلہ ئی دیوان اس بٹنگا۔ سے شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم نا کماشی ٹی دیوان اٹی پنی آ زرگزرانی چاہندار آک بشخ ہلنگ ءُ۔ دیوان اٹی ملک ءِ مون تروک ساڑی سنگین زرگزرانی حالیت آتیا سرجمی اٹ سجفنگک و زرگزرانی چاہندار آتا سلاہ ءِ مون آتخسا زرگزرانی و مالیاتی گام گیج آتا بارواٹ اہم فیصلہ کننگک۔ وزیراعظم شہبازشریف ملک انا ساڑی زرگزرانی حالیت، نسخان و قومی بیلنس شیٹ انا راستکی تیان آگاہی دوئی کیک۔
