اسلام آباد۔ 12اپریل (اے پی پی) مسکوہی وزیراعظم شاہد خاقان عباسی پارے کہ نیب ءِ چٹفسا کارندہ غاتا احتساب مرے، و عدالت آتیٹی کیمرہ خلسا بایدے سماعت مرے تانکہ الس ءِ کرپشن نا بارواٹ معلوم مننگ کے، عمران خان بے شک سڑک آتیا چرینگسا کے ساڑی حکومت کس اسے دزگیر کپک۔ سے شنبے نادے آ داڑے احتساب عدالت نا پیشن میڈیا نا نمائندہ غاتون گپ وتران کرسا مسکوہی وزیراعظم پارے کہ چیئرمین نیب پائے کہ اونا دوراٹی اخس سیاست دان ءِ ہلنگا و اوفتیان اخس برآمدگی مس، چیئرمین نیب عمران خان نا کرپشن آ چپ ئس و اونا برخلاف کرپشن نا اسہ ریفرنس اس ہم فائل مننگ کتو ۔ نیب ءِ چٹفسا کارندہ غاتا احتساب مرے۔ اوپارے کہ مسکوہی حکومت آن الس نا جان چٹانے، کس اسے آن بیر ہلنگ خواپنہ۔ اوپارے کہ عدالت آتیٹی کیمرہ خلسا سماعت مرے تانکہ الس ءِ کرپشن نا بارواٹ معلوم مرے ۔ اسہ سوج اسے نا ورندی ٹی اوپارے کہ ساڑی حکومت تینا مد ءِ پورو کیک۔
