اسلام آباد۔ 12 اپریل (اے پی پی)تدوک آ بیست ءُ چار گھنٹہ ٹی مچ آ ملک اٹی بیرہ 62 بندغ آتیٹی کورونا دین پک مس مثبت کیس آتا کچ 0.28 درسد ئس۔ سے شنبے نادے آ قومی ادارہ جان جوڑی نا کنڈآن جاری ٹویٹ اٹی شیئر کروک آ حساب وکتاب نا رداٹ تدوک آ 24 گھنٹہ ٹی 21 ہزار 437 کورونا ٹیسٹ کننگا۔ ہرافتیان 62 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ کورونا ٹیسٹ آتا مثبت نا کچ 0.28 درسد ئسک۔ داکان بیدس داوخت آ کورونا دین انا سوب آن زوال کروک آتا کچ ءِ 01 ریکارڈ کننگانے وخت اس کہ 269 ناجوڑ آتا حالیت نازرک بیان کننگک۔
