اسلام آباد۔ 12 اپریل (اے پی پی) ماہر معاشیات شکیل احمد رامے پارینے کہ سی پیک آن پبی فائدہ ہرفنگ کن ننے سمارٹ پالیسی اس تینا کننگ نا گرج ءِ۔ تینا بیان اٹی اوپارے کہ صنعتکاری نا فریم ورک آ مہالو آن دستخط مسنے و پاکستان ءِ اودے سرسہب کننگ کن پین خواری کروئی مریک۔ اوپارے کہ روزگار نا وارخواہی ودی کننگ و نیزگاری و کبینی تون مون تننگ کن ترند رفتار شونداری نا کمک اٹ زرگزران ءِ مون آ دننگ نا گرج ءِ۔ اونا پاننگ ئس کہ چین ءِ پاننگے کہ او سکلز ڈویلپمنٹ، روزگار نا وارخواہی ودی کننگ و ای کامرس نا کاریم اٹ اتنگ نا کمک اٹ نیزگاری ٹی کمتی نا بارواٹ تینا آزموندہ غاتا تبادلہ ءِ کے۔
