اسلام آباد۔11اپریل (اے پی پی): ملک مستر ڈاکٹر عارف علوی ءَ گشتگ کہ فاٹا ءَ را ملک ءِ ایندگہ دمگانی ہم کچءَ آرگءِ ھاترءَ دیمروئی دیئگ ءِ ھاترءَ گامگیج کنگ بوہگءَ اِنت۔ ملک ءِ تہا بیپاری ء ُ زرکاری سُرءُپرآناں گیش کنگ ءِ ھاترءَ نوکیں ضم بوتگیں ضلع آنی بیپاری براتی ءَ را آسراتی دئیگ ءُ زرکاراناں جوانیں ماحول دیئگ ءِ ضلورت اِنت۔ آئی ءَ گشتگ کہ کمیں آسراتی ء ُ میاں مالیاتی پدمنتگی ءَ ابید پاکستان ءَ کووڈ۔19 ءِ ہوپ ء ِ وہدءَ بیپاری براتی ء ُ چاگرد ءِ نیزوریں تبک ءَ را گیشاں چہ گیش ریلیف داتگ۔ ملک مستر ءَ اے ھیالانی درشانی باجوڑ چیمبر آف کامرس اینڈ انڈسٹری ( بی سی سی آئی ) ءِ ڈل ءَ گوں گپ ء ُ تران کنانءَ کتگ کہ آئی ءَ دوشمبے ءِ روچءَ ایوان صدرءَ گوں آئی ءَ گندء ُنندکتگ۔ ڈلءَ باجوڑ چیمبر آف کامرس اینڈ انڈسٹری ءِ ڈل ءَ گوں گپء ُ تران کنا ن ءَ کتگ۔ ڈل ءَ باجوڑ چیمبر آف کامرس اینڈ انڈسٹری ءِ صدر لالی شاہ، نائب صدر معراج الدین خان ایگزیکٹو باسک ہوار بوتگ اَنت۔
