تدوک آ بیست ءُ چار گھنٹہ ٹی بیرہ 98 بندغ آتیٹی کورونا دین پک، مثبت کیس آتا کچ 0.43 درسد ئس، قومی ادارہ جان جوڑی

اسلام آباد۔ 11 اپریل (اے پی پی) تدوک آ بیست ءُ چار گھنٹہ ٹی مچ آ ملک اٹی بیرہ 98 بندغ آتیٹی کورونا دین پک مس مثبت کیس آتا کچ 0.43درسد  ئس۔ دوشنبے نادے آ قومی ادارہ جان جوڑی نا کنڈآن جاری ٹویٹ اٹی شیئر کروک آ حساب وکتاب نا رداٹ تدوک آ 24 گھنٹہ ٹی 22 ہزار 525 کورونا ٹیسٹ کننگانے۔ ہرافتیان 98 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ کورونا ٹیسٹ آتا مثبت نا کچ 0.43 درسد ئسک۔ داکان بیدس داوخت آ کورونا دین انا سوب آن زوال کروک آتا کچ ءِ صفر ریکارڈ کننگانے وخت اس کہ 269 ناجوڑ آتا حالیت نازرک بیان کننگک۔