اسلام آباد۔ 11 اپریل (اے پی پی) اوورسیز انویسٹرز چیمبر آف کامرس اینڈ انڈسٹری (او آئی سی سی آئی) کاروباری راجی زمواری (سی ایس آر) نا رداٹ تدوک آ مالی سال 2020-21اٹی 14.5 ارب روپئی نا زرکاری کرینے۔ او آئی سی سی آئی نا سی ایس آر رپورٹ 2020-21نا رداٹ تدوک آ مالی سال اٹی 100 انا خڑک درملکی زرکار و او آئی سی آئی نا باسک آک مچ آ ملک اٹی تینا کاروباری راجی زمواری تا ادائیگی نا رداٹ گام گیج کریر ہرافتا رداٹ نئے بیرہ مالی کمکاری بلکن مچ آ ملک اٹی تینا ملازم آتا راجی آسراتی و پائیدار زرگزرانی شونداری کن چندی ڈٹ آتیا 14.5 ارب روپئی نا زرکاری کرینے۔ رپورٹ نا رداٹ سی ایس آر گام گیج آتیان 34 ملین بندغ براہ راست فائدہ ہرفینو وخت اس کہ چیمبر نا باسک ادارہ غاتا کنڈآن 1.4 ملین گھنٹہ ہم راجی زمواری تا ادائیگی ٹی خڑچ کننگا مچ آ ملک انا 160 چندی راجی و شونداری تنظیم تا ہم کمکاری ءِ کننگانے۔ داکان بیدس سی ایس آر نا رداٹ کروک آجم گام گیج آتیان 31 درسد سندھ، 27 درسد پنجاب، 15 درسد خیبرپختونخوا، 8 درسد گلگت بلتستان و 6 درسد آزاد کشمیراٹی کننگا۔
