لاہور۔ 11 اپریل (اے پی پی) لاہور نا اسپیشل سینٹرل عدالت العربیہ و رمضان شوگرملز انا جعلی اکاؤنٹ اٹی منی لانڈرنگ کیس اٹی مسلم لیگ ن نا صدر و مسکوہی وزیراعلیٰ پنجاب شہباز شریف و اونا مار حمزہ شہباز نا عبوری ضمانت اٹی 27 اپریل اسکان ودکی کرے و بروک آ سماعت آ فریق آتا وکیل آتون اوار دوبہ دارآتے دُوارہ بٹنگا۔ اسپیشل سینٹرل کورٹ انا جج اعجاز اعوان کیس انا سماعت ءِ کرے۔ دوشنبے نادے آ سماعت آ شہباز شریف نا کنڈآن حاضری معافی نا درخواست جمع کرفنگا ہراٹی پاننگاکہ شہباز شریف اسلام آباد اٹی اسمبلی دیوان نا سوب آن عدالت اٹ پیش مننگ کپک خواست ءِ کہ حاضری معافی نا درخواست ءِ منظور کننگے۔ عدالت شہباز شریف نا اسہ دے انا حاضری معافی نا درخواست ءِ منظور کرے وخت اس کہ حمزہ شہباز پیش مرسا تینا حاضری ءِ پورو کرفے۔ عدالت نا پراسیکیوٹر عدالت ءِ پارے کہ ایف آئی اے نا خصوصی ٹیم پیش مننگ کپک، دا بابت اودے ہچ ءُ پارت اس ملتنے۔ ایف آئی اے نا خصوصی پراسیکیوٹرآتا پیش مفننگ نا سوب آن پین کارروائی مننگ کتو ۔ عدالت کیس انا مستی سماعت ءِ 27 اپریل اسکان ملتوی کرے۔ عدالت شہباز شریف و حمزہ شہباز نا عبوری ضمانت آتیٹی ہم 27 اپریل اسکان ودککی کرسا بروک آ سماعت آ دوبہ دار آتے وکیل آتون اوار دُوارہ بٹنگا۔
