کوئٹہ۔ 11مئی (اے پی پی) ینگ ڈاکٹرز ایسوسی ایشن نا کنڈآن سول ہسپتال کوئٹہ ٹی تدوک آ دے برمتہ مروک آ ڈاکٹر آتا بازیابی کن برانزی مچی کریسہ ینگ ڈاکٹر آک اوپی ڈی نا پورووڑاٹ بائیکاٹ کریر۔ سرجم حوال آتا رداٹ چارشنبے آ ینگ ڈاکٹر ایسوسی ایشن سول ہسپتال کوئٹہ ٹی برانزی مچی کریر۔ مچی نا سروکی ئِ ینگ ڈاکٹر ایسوسی ایشن نا صدر ڈاکٹر حفیظ مندوخیل کرے۔ برانزی مچی آن تران کریسہ ڈاکٹر حفیظ مندوخیل پارے کہ تدوک آ دے کوئٹہ ٹی سینئر ڈاکٹر ارشاد احمد کھوسہ نا برمتہ مننگ نا ترند انگا لوز آتے ٹی مذمت ئِ کینہ و صوبائی حکومت آن خواست کینہ کہ برمتہ مروک آ ڈاکٹر ئِ دمدستی وڑاٹ بازیاب کرفنگے اگہ بازیاب کرفنگ تو داڑآن ہم سخت برانز کننگ آ بیوس مرینہ ۔ اوپارے کہ سرکاری ہسپتال آتے ٹی غٹ تر آسراتی فراوان و پوسکن ئُ آسامی ودی کننگے۔ برانزی مچی ٹی بھلو کچ اسیٹی ڈاکٹر آک شرکت کریر۔
