کولوب (تاجکستان) ۔ 11مئی (اے پی پی) وزیراعظم محمد نواز شریف چانڑدہ میکو صدی نا عظیم صوفی بزرگ میر سید علی ہمدانی ئِ خراج عقیدت پیش کننگ کن چارشنبے آ تاجک شار کولوب اٹی زرس اڈ کرے، وزیراعظم 12مئی آ ”وسطی۔سویلی ایشیائ(کاسا1000) ڈٹ انا افتتاحی دود اٹی شرکت کن دارالحکومت دوشنبے آ ہنسا زرس وخت اکن داڑے سلیس۔ اوکان مست صوبہ خطلان اٹی واقع کولوب بالی پٹ آ تاجکستان نا اول نائب وزیراعظم سیدوف دولت علی وزیراعظم نا جم وجوش اٹ خیر مقدم ئِ کرے۔ تینا پننگ آ ن زوتی گڈ وزیراعظم عظیم صوفی بزرگ، مسلم سکالر،شاعر و مبلغ میر سید علی ہمدانی نا مزار آ حاضری تس۔ وزیر دیر و بجلی خواجہ محمد آصف ، وزیراعظم نا خصوصی کمکار طارق فاطمی ہم اوڑتون اوار ئسر۔ وزیراعظم صوفی بزرگ علی ہمدانی نا مزار آفاتحہ خوانا۔ اومہمان تا کتاب اٹی تینا تاثرات آتے نوشتہ کرے۔ سید علی ہمدانی عربی و فارسی ٹی کیہی کتاب آتے نوشتہ کرے۔ او تینا تعلیمات آتا کمک اٹ کشمیر اٹی ہم اسلام نا اشاعت کرے۔ کولوب اٹی تقریباََ اسہ گھنٹہ سینا اڈ کننگ آن پد وزیراعظم دوشنبے آ رادہ مس۔

متعلقہ مضامینمصنف کی طرف سے مزید