واشنگٹن۔ 11مئی (اے پی پی) امریکی میڈیا نا رداٹ واشنگٹن اٹی پریس کانفرنس کریسہ امریکی وزارت دفاع نا ترجمان پیٹر کک دہشت گرد تنظیم داعش نا راکٹ جلہو و صدر رجب طیب اردگان نا بیان کہ ”ترکی ئِ تنیا ہلنگانے“ نا ورندی ئِ تریسہ اوپارے کہ ”نن ترکی نا رکھ ئِ محسوس کننگ کن ہر وڑ گام ہرفنگ نا متمنی اُن۔ اوپارے کہ نن دا رداٹ ترک حکومت تون رابطہ و کمک ئِ برجا تخنہ ۔ پیٹر نا پاننگ ئس کہ ترکی نا کنڈآن شام انا سیم تیا 98مربع کلو میٹر نا رقبہ ئِ دہشت گرد تنظیم داعش آن پاک کرینے۔ اوپارے کہ ننا خڑک سیمی رکھ ئِ باوری جوڑ کروک آ ہر گام اہم ئِ۔ اوپارے کہ ننا مسخت آتے ٹی یکسانیت خننگک۔ یعنی ترکی و امریکہ علاقہ ئِ داعش آن پاک کننگ و شامی گل زمین نا سالمیت کننگ نا حق اٹی ئِ۔
