اسلام آباد ۔ 11 فروری (اے پی پی)دری کارانی بنجاہی وزیر مخدوم شاہ محمود قریشی ءِ سروکی ءَ ڈنی کارگِس ءِ تہ شؤر ءُُ صلاحی دیوان برجم دارگ بوتگ۔دیوان ءِ تہ مزن وزیر ءِ صلہ کار برائے بیئپار ءُُ زرکاری عبدالرزاق داؤد، سیکرٹری خارجہ تہمینہ جنجوعہ، پیسریگیں سفراء،ڈنی سیکرٹریز،میاں اوستمانی معاملہانی زانتکار ءُُ دگہ باسکاں شؤرءُُ صلاحی کونسل ءِ تہ ساڑی بوتگ ات۔دیوانءِ بنداتی بہر ءَ دری کارانی بنجاہی وزیر ءَ دری کارانی گوست سیکرٹری سلمان بشیر ءِ مات ءِ بیرانی ءِ ھاترا بکشش ءِ دعا کتگ۔شؤر ءُُ صلہ ءِ کونسل ءِ دیوان ءِ تہ اوگان امن ءِ عمل ءِ ھوالہ ءَ گوں کتگیں کوشستاں،ڈن ملکاں نشتگیں پاکستانیاں گوں رھوت ءِ ودکی ءِ ھوار ڈنی پالیشی ءِ سرجمیں پہلو ءَ سرجمیں وڈ ءَ ھیال ریچی کتگ۔دری کارانی وزیر شاہ محمود قریشی ءَ شؤر ءُُ صلاھی کونسل ءِ باسکاں را وتی انوگیں برطانیہ ءِ تروتاب ءِ تفصیلاں چہ سرپد کتگ۔آہاں گوشت کہ پاکستان زوربرتگیں کشمیر ءِ مزلومیں مہلوک ءِ سفارتی ،اخلاقی ءُُ سیاسی پلہ مرزی برجاہ دار ایت۔
