اسلام آباد ۔ 11 فروری (اے پی پی)مذہبی معاملہانی بنجاہی وزیر ڈاکٹر نور الحق قادریءَ گوشت کہ پاکستان ءُُ سعودی عرب دوستی ءِ لازوال رھوت ءَ بندوک انت۔کشمیر، مشرق وسطیٰ ءُُ فلسطین ءِ جاورھال ءِ سرا پاکستان ءُُ سعودی عرب یک پیج ءِ سرا انت، پاکستان ءِ راج سعودی ولی عہد ءِ راج دپتری وش اتک کن انت۔دوشمبے ءَ ادا ھندی ھوٹل ءِ تہ پاک ۔سعودی عرب فرینڈ شپ کانفرنس ءَ گوں تران کنان ءَ آہاں گوشت کہ سعودی ولی عہد دراجیں وھد چہ پدا پاکستان ءِ تروتاب ءَ آھگ انت ایشی چہ دمگ ءِ سرا شریں اثر کپ انت، پاکستان ءُُ سعودی عرب ءِ میان ءَ دوستی ءِ لازوال رھوت انت،سعودی عرب ءَ گوں سیادی ءِ ھوالہ ءَ ملک کجام ھم گل ءِ یک توار انت۔آہاں گوشت کہ کشمیر ،مشرق وسطی ءُُ فلسطین ءِ جاورھال ءِ سرا پاکستان ءُُ سعودی عرب یک پیج سرا انت، مسلم دنیا ءِ تہ پاکستانءِ چم درستاں چہ پیسر ءَ سعودی عرب ءِ نیمگا روگ انت۔ سعودی عربءَ گوں سیادی ءِ ھم یک راج دپتر انت۔سعودی عرب ءَ ہر گرانیں وھد ءَ پاکستا ن ءِ کمک کتگ۔آہاں گوشت کہ سعودی عرب ءِ اقتصادی دیمروئی ءِ تہ پاکستانی پوریاگرانی مستریں کرد انت۔
