گلگت ۔ 11 فروری (اے پی پی) وزیراعلیٰ حافظ حفیظ الرحمان پارینے کہ نیٹکو قومی ءُ ادارہ اسے دادے سوگو کننگ کن ہلہلئی گام گیج چست کینہ۔ اوپارے کہ نن ملازم آتا سروس اسٹرکچر اس جوڑ کننگ نا وعدہ کریسن و دا وعدہ ءِ وفا کینہ۔ داخیال آتا درشانی ءِ او نیٹکو ورکرز یونین نا صدر فضل الٰہی و ایلوفتتون گپ و تران کرسا پارے کہ نیٹکو ٹی ہزار آ ملازم ءُ اوفتا ملازمت ءِ رکھ تننگ حکومت نا زمواری ءِ نیز نیٹکو یونین نا صدر سروس سٹریکچر ایکٹ 2019ء پیش کرے ہرادے وزیراعلیٰ سروس اسٹریکچر نا کانودی معاملہ غاتے ہُننگ کن سیکرٹری لاء آ گدریفسا سیکرٹری کانود ءِ پارت کرینے کہ دمدستی رپورٹ تننگے تانکہ نیٹکو ملازم آتے ٹی مروک آاحساس محرومی چٹے۔ اونا پاننگ ئس کہ لیگی دور حکومت نا چٹنگ آن مست سروس اسٹریکچر ایکٹ نا منظوری ءِ ایتنہ۔ ورکرز یونین نا صدر وزیراعلیٰ نا منت واری ءِ ہرفسا پارے کہ سروس اسٹریکچر جوڑ مفننگ آن ملازم آتے ٹی سخت احساس محرومی ءِ وزیراعلیٰ و کابینہ غان اومیت ءِ کہ سروس اسٹریکچر نا زوت منظوری ءِ ایترہ۔
