اسلام آباد۔ 11 فروری (اے پی پی) پاور ڈویژن بجلی نا بشخ وپانٹ و ترسیل نا نظام اٹی نسخان آتے ٹی کمتی اتنگ کن اسہ جامع حکمت عملی اس جوڑ کرینے۔ پاور ڈویژن نا ذرائع نا رداٹ ڈسٹری بیوشن کمپنی تے لین لاسز اٹی کمتی کن خصوصی ہدف تننگانے او اوفتے پاننگاکہ او تینا تینا علاقہ غاتے ٹی لین لاسز اٹی کمتی اتنگ کن گام گیج کیر۔ غٹ ڈسٹری بیوشن کمپنی تا چیف ایگزیکٹو آفیسر آتے ہم پارت کننگانے کہ او لین لاسز اٹی کمتی کن کروک آ گام گیج آتا تینٹ چاروکی ءِ کیر و نیپرا لین لاسز نا بابت ہراحد ءِ تخنگ ءِ اودے پورو وڑاٹ پورو کننگ کن سب ڈویژن آتا کہول اسکان چاروکی نا نظام ءِ پین گچین کننگے تانکہ گردشی وام تا ودوک آویل اتون مون تننگ مرے۔
