دبئی/اسلام آباد۔ 10 فروری (اے پی پی)مزن وزیر عمران خان ءَ پیامبر اسلام حضرت محمد ؐ ءِ انسانی بروبری ءِ درس ءِ سرا عمل کنگ ءِ سرا زور دیان ءَ گوشت کہ تعلیم،کانود ءِ سرا وڈ ءُُ پیم ءُُ انساپ اسلامی راج دپتر ءِ بنیات انت،مہ وتی ملک ءَ را ھم اے اصول ءِ سرا دیمروئی دیگ لوٹگ اوں، قانود سرا وڈ ءُُ پیم ءُُ ریاست ءِ جوابدہ بوھگ سدکی جوڈ کنگ اوں۔حکومتی گہترکاری ءِ ایجنڈہ ءِ تہ معاشی پالیسی ءِ گہتری ءِ ردا راجی برآمدات ءِ تہ ودکی ءُُ درآمدات ءِ تہ کمی،مالیاتی ءُُ حسابانی جاریہ ءِ تاوان ءِ تہ گہترکاری ءِ وسیلگ ءَ کمی آرگ دلگوشی ءَ ھوار انت۔حکومت بیئپار ی آسراتی ودی کنگ ءِ ھاترا ٹیکس ءِ کانودءِ تہ بدلی ءَ آرگ انت،ہمہ کہ مئے گہترکاری ءِ یک ھاسیں جز انت،پاکستان ءِ تہ جہاں گولی ءِ دراجیں موہ ساڑی انت،پاکستان ءِ تہ دگنیا ءِ گہتریں کوھ ،تیاب دپ،کوھنیں راج دپتری میراث ءِ ھوار ملک ءِ تہ مذہبی سیاحت ءِ دراجیں موہ ساڑی انت‘حکومت ءِ اولی دلگوشی ءَ کانود ءِ سرا وڈ ءُُ پیم ءُُ استان ءِ جوابدہ بوھگی انت،مہ گریبی ءَ ھلاس کنگ لوٹگوں پرچا کہ 25درسد مردم گریبی ءِ لین چہ چیرءَ زند ءَ گوازینگ انت،مہ چین ءِ وڈ ءَ گریبی ءِ ھلاسی کنگ لوٹگ اوں ءُُ دیمروئی ءِ ھاترا ملک ءِ تہ گہترکاری ءِ مراگش ءِ سرا عمل کنگ اوں تنکہ اَستیں جیڈھانی ھلاسی بہ بیت‘ پاکستان موسمیاتی بدلی چہ اثرمندیں ملک انت اے ھاترا مہ خیبرپختونخوا ءِ تہ یک ارب درشک جتگ ات، پولیس ءُُ بیورو کریسی ءَ را سیاسی دست مانجنی چہ آجو کتگ انت،سیاحت ءَ رادراجی داتگ ءُُ پنچ سال ءِ پدا گریبی ءِ تہ 50درسد کمی بوتگ۔مزن وزیر عمران خان ءَ یک شمبے ءَ دبئی ءِ تہ برجمیں ورلڈ گورنمنٹ سمٹ 2019ءِ تہ گورننس ءِ وژن ءُُ پاکستان ءِ ھوالہ ءَ چہ کانفرنس ءِ شریداراں گوں تران کنان ءَ گوشت کہ یک لیبی چہ مزن وزیر پاکستان چنچو بوتگاں؟آہاں گوشت کہ پاکستان ءِ اے اولی پدریچءَ گوں سیادی دارگ انت کہ آہاں 1960ءِ دھک ءَ پاکستان ءِ ترندیں دیمروئی ءَ را دیستگ ات، 1960ءِ دھکاں پاکستان ایشیاء ءِ تہ ترندیں دیمروئی کنوکیں ملکانی لڑ ءَ ھوار ات ءُُ ایشی ءِ دیمروئی ءِ رپتار ڈویلپنگ کنٹریز ءِ ھاترا یک مثالے ات۔آہاں گوشت کہ شیخ راشد بن مکتوم ءَ من ءَ سرپد کت کہ امارات ایئرلائن ءَ را سوبمند کنگ ءِ ھاترا پی آئی اے ءَ کمک پھجارتگ ات۔مزن وزیر ءَ گوشت کہ سیاست ءِ تہ آھگ ءِ اولی سبب کرکٹ ات چیاکہ وھدے کہ من میاں اوستمانی کرکٹ بناء کتگ ات تو پاکستان ءِ ٹیمب دگنیا ءِ نزوریں ٹیمب ءِ ات، وھدیکہ من ٹیمب یلہ دات تو ہمہ وھد ءَ پاکستان ورلڈ چیمپئن ات۔ سیاست ءِ تہ آھگ ءِ دومی سبب کینسر نادراھ جاء بوتگ۔مزن وزیر ءَ گوشت کہ وھدیکہ من کرکٹ یلہ داتگ ات تو پاکستان ءِ تہ اولی کینسر نادراھ جاء جوڈ کتگ پرچا کہ منی مات کینسر ءِ نادراہی ءِ آماچ ات۔آہاں گوشت کہ شوکت خانم ہسپتال جندی تک ءِ تہ کار کنوکیں دگنیا ءِ ایوکا نادراھ جاء انت اُودا کہ 80درسد نادراہانی مپت علاج کنگ بوھگ انت۔مزن وزیر ءَ گوشت کہ من پاکستان ءَ را ڈویلپڈ ملک چارگ لوٹگاں ہمہ وڈیں دیمروئی یو اے ای ءُُ چین ءَ کتگ انت،اے مستریں مثال انت۔
