دبئی ۔ 10 فروری (اے پی پی) مزن وزیر عمران خان متحدہ عرب امارات ءِ مزن وزیر ءُُ دبئی ءِ حاکم شیخ راشد بن محمد بن راشد المکتوم ءِ دعوت سرا یک شمبے ءَ متحدہ عرب امارات ءِ یک روچیں تروتاب ءَ دبئی ءَ سر بوتگ ات،اُودا آں ھپتمی میاں اوستمانی حکومتی سروکی دیوان ءِ تہ بہر زوری کنگ انت۔ دبئی ءِ تہ رائیل ایئرونگ ایئر پورٹ ءِ سرا سر بوھگ ءِ سرا ابوظہبی ءِ ولی عہد شیخ محمد بن زید النہیان ءَ مزن وزیر عمران خان ءِ پُرشانیں وش اتک کتگ۔دری کارانی وزیر شاہ محمود قریشی ،ھزانگ وزیر اسد عمر ،میری ٹائم ءِ وزیر علی حیدر زیدی ،مزن وزیر ءِ صلہ کار برائے بیئپار عبدالرزاق داود ءُُ مزن وزیر ءِ ھاسیں کمکار برائے گہترکاری ڈاکٹر عشرت حسین ھم مزن وزیر ءَ گوں ہمبراہ انت۔مزن وزیر عمران خان ءُُ ابوظہبی ءِ ولی عہد ءِ میان ءَ دودیمی گند ءُُ نند بوتگ۔مزن وزیر میڈیا کارگِس ءِ نیمگا چہ جاڑی بیان ءِ تہ گوشگ بوتگ کہ دوئیں سروکانی ھاسیں گند ءُُ نند ءِ تہ وت مہ وتی سیادی ،لہتیں تکءَ کمک ءِ ودکی ءِ ھوار ھاسیں دمگی ءُُ میاں اوستمانی کارانی سرا ھیال ریچی کنگ بوتگ۔ھالرسانی ءِ وزیر چوہدری فواد حسین ، وزیر میری ٹائم علی حیدر زیدی ءُُ ھاسیں کمکار برائے اوورسیز پاکستانیز ذوالفقار بخاری ڈلے تبک ءَ بیوکیں گندءُُ ننداں شریدار بنت۔
