اسلام آباد ۔ 10 فروری (اے پی پی)بنجاہی وزیر ھالرسانی ءُُ شنگکاری فواد حسین چوہدری ءَ گوشت کہ مزن وزیر دبئی ءِ تہ برجمیں سالینگ میاں اوستمانی دیوان ورلڈ گورنمنٹ سمٹ ءِ پد ا آئی ایم ایف ءِ سروک ءَ گوں گند ءُُ نند کن انت۔ برطانوی رسانکدرءِ گوما گپ ءُُ تران کنان ءَ بنجاہی وزیر ءَ گوشت کہ پاکستان تپاکیں بیل آوٹ پیکج ءِ واھگدار انت ،اے رنگیں شرط ءَ نہ لوٹگ اوں کہ آہاں چہ پاکستان ءِ شرح نمو ءَ را تاوان رسیت۔ آئی ایم ایف ءَ گوں جیڈھ ڈیل نیست ات بلکہ ڈیل ءِ شرط ءَ گوں انت۔آہاں گوشت کہ مزن وزیر دبئی ءِ تہ برجمیں سالینگ میاں اوستمانی دیوان ورلڈ گورنمنٹ سمٹ ءِ پدا آئی ایم ایف ءِ سروک ءَ گوں گند ءُُ نند کن انت ایشی چہ آہانی گپ ءَ چہ سرپد بوھگ ءِ موہ رسیت ءُُ مار ءَ ھم وتی گپ پیش کنگ ءِ موہ رسیت۔ فواد چوہدریءَ گوشت کہ آئی ایم ایف ءَ گوں جیڈھ ڈیل ءِ نیست ات بلکہ ڈیل ءِ باروا شرط ءِ انت۔ھالرسانی ءِ وزیر ءَ گوشت کہ اے رنگیں ساپ ءُُ پلگاریں ڈیل ءَ لوٹگ اوں کہ آں گونڈوءِ وھد ءِ تہ پاکستان ءِ ھاترا کمکار بہ بیت ءُُ مئے دراج وھدیں معاشی مکسدءِ سرا اثر انداز مہ بیت۔
