اسلام آباد ۔ 10 فروری (اے پی پی) دری کارانی بنجاہی وزیر شاہ محمود قریشی ءَ گوشت کہ متحدہ عرب امارات ءِ تہ گلوبل گورننس سمٹ برجم بوھگ انت ایشی ءِ تہ مزن وزیر عمران خان کلیتی اسپیکر ھیالانی درشان کن انت، متحدہ عرب امارات ءِ کراؤن پرنسءُُ اودی راھشون ءِ گوما دودیمی سیادیانی ھوالہ ءَ گوں گند ءُُ نند کن انت ءُُ گپ ءُُ تران ھم کن انت ،مزن وزیر ءِ کوشست انت کہ آں اے رنگیں ماڈل ءَ دیما بیارانت ءُُ اے رنگیں ادارگ جاتی گہترکاری ءَ را دیما بیارانت تنکہ ادارگہانی پرفارمنس ءِ تہ گہتری بیا ایت۔اے ھیالانی درشان آہاں یک شمبے ءَ مزن وزیر عمران خان ءِ ہمبراہ متحدہ عرب امارات ءِ یک روچیں تروتاب ءِ سرا روانہ بوھگ چہ پیسر ءَ میڈیا ءِ گوما گپ ءُُ تران کنان ءَ کتگ ات۔بنجاہی وزیر ءَ گوشت کہ اے متحدہ عرب امارات ءِ یک روچیں تروتاب انت ایشی ءِ دعوت مزن وزیر ءَ را دیگ بوتگ ،متحدہ عرب امارات ءِ تہ گلوبل گورنس سمٹ برجم بوھگ انت ایشی ءِ تہ مزن وزیر عمران خان کلیتی اسپیکر ءِ بستار ءَ ساڑی بنت۔گورنس یک اے رنگیں جیڈھ انت کہ مئے خطہ ءَ را ھاسکر پاکستان ءَ باز ضلورت انت۔دری کارانی وزیر ءَ گوشت کہ مئے لہتیں جیڈھاں بیڈ گورننس ءِ آسر ءَ چہ ودی بوتگ ات ،اے ھاترا مزن وزیر ءِ کوشست انت کہ آں اے رنگیں ماڈل ءَ دیم بیارانت ءُُ اے رنگیں ادارگ جاتی گہترکاری ءَ را دیما بیارانت کہ ادارگہانی پرفارمنس گہتر بہ بیت۔متحدہ عرب امارات ءِ تروتاب ءِ دومی بہر ایش انت کہ مئے آئی ایم ایف ءِ سروک ءَ گوں میٹنگ بیت،پاکستان لوٹگ انت کہ آں آئی ایم ایف ءَ گوں اے رنگیں شرط ءَ دیما بروایت کہ ایشی چہ مہلوک ءِ سرا ردیں اثر مہ کپیت۔آہاں گوشت کہ اے موہ ءِ سرا متحدہ عرب امارات ءِ کراون پرنس ءُُ اودی مزنیں راھشوناں گوں دودیمی سیادی ءِ ھوالہ ءَ چہ گند ءُُ نند بیت ءُُ گپ ءُُ تران ھم بنت۔
