لندن۔ 9 فروری (اے پی پی)صدر مملکت ڈاکٹر عارف علوی ءَ گوشت کہ دمگی ءُُ گیر دمگی زرّئی ھاٹیگ آنی استی ءَ چہ ’’بحر ہند‘‘ ءِ ارزشت ءِ تہ ءَ سک باز گیشی بوتگ، مئے زرئی تجارتی کشک آنی رکھینگ ءِ واستہ ایمنیں زرّ المی اِنت، ’’بحرہند‘‘ ءَ ایمنی ءُُ برجائی ءِ در جنگ ءِ واستی پاک بحریہ ءِ کوشت لائک ءِ توسیپی انت۔ اے گپ آئی ءَ شمبے ءِ روچ ءَ پاک بحریہ ءِ ایمنیں ایکسرسائز 19ءِ چیر دستی ءَ میاں اوستمانی میری ٹائم کانفرنس ءِ بنگیجی مراگش ءَ گوں گشتانک دیان ءَ کت ۔ ترجمان ءِ رد ءَ پاک بحریہ ءِ ایکسرسائز ایمن 19چیر دستی ءَ شمبے ءِ روچ ءَ میاں اوستمانی میری ٹائم کانفرنس ءِ بنگیج کنگ بوت۔ میری ٹائم کانفرنس سئے روچ ءَ تاں کراچی ءَ جاڑی بیت۔ کانفرنس ءِ بنگیجی مراگش ءِ ھاسیں مہمان صدر ءِ پاکستان ڈاکٹر عارف علوی ات۔ چیف آف دی نیول اسٹاف ایڈمرل ظفر محمود عباسی ءَ ھم بھر زوری کت۔ صدر مملکت ءَ اے موہ ءِ سر ءَ گشتانک دیان ءَ گوشت کہ دمگی ءُُ گیر دمگی زرئی ھاٹیگ آنی استی ءَ چہ بحرہند ءِ ارزشت ءِ تہ ءَ سک باز گیشی بیت۔ مئے زرّئی تجارتی کشک آنی رکھینگ ءِ واستہ ایمنیں زرّ المی اِنت۔
