مزن وزیر عمران خان ءِ بلوکی ءِ ھند ءَ ’’درچک پاکستان ءِ واستہ ‘‘ وژن ءِ چیر دستی ءَ بھارگاہ ءِ موسم ءَ نھال کشگ ءِ مراگش ءَ گوں گشتانک

ننکانہ صاحب/بلوکی۔09 فروری(اے پی پی)مزن وزیر عمران خان ءَ گوشت کہ گلوبل وارمنگ ءِ بابت ءَ پاکستان دگنیا ءَ 8 ھشتمی نمبر ءِ سر ءَ انت، جنگل کشگ شوک نہ اِنت بلکینگ ءَ مئے آیوکیں باھند آنی زندمان ءِ سوال اِنت، گوستگیں دھ سال آنی تہ ءَ ایوک ءَ لاہور ءَ چہ ہزارنی کساس ءَ درچک گڈگ بوتگ، لاہور ءُُ دہلی دُرستاں چہ گیشتریں نہ وشیں ایٹماسپئر ءِ شہر اَنت، سرجمیں ملک ءَ چہ گیشاں گیش جنگل جنگ بیت ءُُ آیوکیں پنچ سال آنی تہءَ 10ارب درچک کش آں، ورنا اے کار ءِ توک ءَ بھر بہ زور انت، ھر کس سسا کنگ ءَ انت کہ حکومت کسے ءَ را این اآر او دنت آ گوش بدار ایت کہ اچ کس ءَ را این آر او نہ رس ایت، این اآر او ملک ءَ گوں غداری بیت، شہر آنی تہ ءَ ٹوھیں ماڑی بندگ ءِ اجازت ءَ دیاں ءُُ پارک آناں ورنا آنی ھاترا ساپ ءُُ سلہ کناں، ننکانہ صاحب ءَ جوانیں گرونانک یونیورسٹی ھم جوڑ کنگ بیت ءُُ ملک ءُُ ڈن ملک ءَ چہ زیارت کنوک آنی واستہ سکھ برات آنی گوما ھمک رنگ ءِ کمک ءُُ آسراتی دیگ بیت۔ اے ھیالانی درشانی آئی ءَ شمبے ءِ روچ ءَ ننکانہ صاحب ءَ بلوکی ءِ ھند ءَ کبزہ گیر آں چہ 2500ایکڑ زمین جنگل ءُُ وائلڈ لائف پارک ءِ برجائی ءِ ھوالگ ءَ ’’درچک پاکستان ءِ واستہ ‘‘ وژن ءِ چیر دستی ءَ بھارگاہ ءِ موسم 2019ءِ نھال کشگ ءِ گامگیج ءِ بنگیجی مراگش ءَ گوں گشتانک دیان ءَ کت۔