اسلام آباد۔ 9 فروری (اے پی پی) مزن وزیر عمران خان یک روچی تر ءُُ تاب ءِ ھاترا (باندات) یک شمبے ءِ روچ ءَ روادگ بیت۔ مزن وزیر ھپتمی میاں اوستمانی سروکیں دیوان ءَ بھر زوری کنت۔ مزن وزیر عمران خان دیوان ءَ وتی کلیتی گشتانک ءِ تہ ءَ برجمیں ءُُ وشھالیں پاکستان ءِ واستہ وتی وژن ءَ را سہرا ءُُ ملکی معیشت ءِ جتا جتائیں سیکٹر ءَ سرمایہ کاری ءِ دلبڈی ءَ کنت اِنت۔ مزن وزیر ءَ را تر ءُُ تاب ءِ دعوت شیخ محمد بن راشد المکتوم ءَ داتگ۔ مزن وزیر متحدہ عرب امارات ءِ سروک آں گوں گند ءُُ نند کنت اِنت۔ وزیر ءِ درئی کار شاہ محمود قریشی،وزیر ءِ ھزانگ اسد عمر، وزیر برائے میری ٹائم کار ءُُ ھاسیں کمکار برائے تجارت ھم آئی ءِ ھمبراہ ات۔ ھمک سالی دیوان ءِ تہءَ حکومتی سروک، پالیشی جوڑ کنوک، کاروباری سروک ءُُ انویشن ءُُ ٹیکنالوجی ءِ وسیلگ ءَ گورننس ءِ گہتری ءِ ھوالگ ءَ استیں ءُُ آیوکیں باندات ءِ موہ آنی بابت ءَ جیڈھ آنان باست ءُُ واست کنگ بنت۔
