اسلام آباد۔ 9 فروری (اے پی پی) وزیر ءِ مملکت برائے توکی کار شہر یار آفریدی ءَ پولیس کمپلینٹ ریڈریسل سسٹم ءِ تر ءُُ تاب کت ءُُ الس ءِ شکاست آنی زوت گیواری ءِ پنت ءُُ شون جاڑی کنان ءَ گوشت کہ الس آناں گیشاں گیش آسراتی پجاری کنگ ءُُ شہری آناں پچیں پیشانی ءَ گوں گپ ءُُ تران کنگ پولیس ءِ اولی کار بہ بیت۔ پولیس ترجمان ءِ رد ءَ وزیر ءِ مملکت برائے توکی کار شہر یار آفریدی ءَ اے پنت ءُُ شون کت کہ پولیس کمپلینٹ ریڈریسل سسٹم ءِ تر ءُُ تاب ءِ موہ ءَ جاڑی کت۔ اے موہ ءِ سر ءَ آئی جی پی اسلام ااباد محمد عامر زوالفقار خان، ایس ایس پی آپریشنز وقار الدین سید، ایس پی انوسٹی گیشن سید مصطفی تنویر، ایس پی حسام بن اقبال ءُُ ایندگر کلانہ ایں اپسرگ ساڑی اتنت۔ وزیر ءِ مملکت برائے توکی کار ءَ گوشت کہ اے شکاستی سیل ءِ زوتاں زوت بنگیج کنگ بہ بیت تانکہ ، شہری آناں انصاف ءِ پجاری ءُُ شہری آنی شکاست زوت گیوار کنگ بہ بنت، اسلام آباد پولیس سرجمیں ملک ءِ فورس ءِ واستہ رول ماڈل اِت ءُُ ما ایشی ءِ کزبی کار ءَ را گیش شر تر ءُُ گہتر جوڑ کناں۔
