اسلام آباد۔ 8 فروری (اے پی پی) چیئرمین سینیٹ محمد صادق سنجرانی ءَ گوں چین ءِ سفیر یاؤجنگ ءَ آدینگ ءِ روچ ءَ ادا گند ءُُ نند کت ایشی ءَ تہ ءَ آئی ءَ بلوچستان ءَ سی پیک ءِ چیر دستی ءَ جاڑیگیں منصوبگ آنی ھوالگ ءَ چیئرمین سینیٹ ءَ را سئی کت ۔ اے موہ ءِ سر ءَ چیف سیکرٹری بلوچستان ڈاکٹر نذیر ھم ساڑی ات۔ سینیٹ سیکرٹریٹ ءِ …
چیئرمین سینیٹ محمد صادق سنجرانی ءَ گوں چین ءِ سفیر یاؤ جنگ ءِ گند ءُُ نند
گیشتریں ھال
اسلام آباد۔ 8 فروری (اے پی پی) چیئرمین سینیٹ محمد صادق سنجرانی ءَ گوں چین ءِ سفیر یاؤجنگ ءَ آدینگ ءِ روچ ءَ ادا گند ءُُ نند کت ایشی ءَ تہ ءَ آئی ءَ بلوچستان ءَ سی پیک ءِ چیر دستی ءَ جاڑیگیں منصوبگ آنی ھوالگ ءَ چیئرمین سینیٹ ءَ را سئی کت ۔ اے موہ ءِ سر ءَ چیف سیکرٹری بلوچستان ڈاکٹر نذیر ھم ساڑی ات۔ سینیٹ سیکرٹریٹ ءِ رد ءَ چیئرمین سینیٹ محمد صادق سنجرانی ءَ گوشت کہ بلوچستان ءَ جاڑیگیں منصوبگ آنی سرءَ کار کنگ ءِ ترندی ءَ را گیش ودینگ بہ بیت تانکہ دیمروئی ءِ برورد آں چہ الس زوت سیت مند بہ بنت، بلوچستان ءَ آپ ءِ پجاری، جان سلامتی، ووکیشنل ٹریننگ ءُُ لیب ءُُ گوازی آنی دیمروئی ءِ منصوبگ آناں ترجی دیگ ءِ بنیات ءَ سرجم کنگ بہ بیت۔ گند ءُُ نند ءَ تپاک کنگ بوت کہ بلوچستان ءَ جان سلامتی ءُُ وانگ ءُُ زانگ ءِ ھوالگ ءَ آسراتی پجاری کنگ بیت اِنت۔ چیئرمین سینیٹ ءَ پنت ءُُ شون کت کہ میاں اوستمانی کد ءُُ بالاد ءِ یک ہسپتال ءِ زوت جوڑیشت کنگ ءِ منصوبگ بندی کنگ بہ بیت۔ آئی ءَ گوشت کہ ساپیں آپ ءِ پجاری ءِ منصوبگ آناں زوتاں زوت سرجمی ءَ چہ بلوچستان ءِ سک باز مردم آناں نپ ءُُ سیت رسیت۔
