اسلام آباد۔ 8 فروری (اے پی پی) بنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ عمران خان ءَ ھما جنز کہ چست کتگ، آ لس مردم ءِ گوانک جوڑ بوتگ، ملک ءَ چہ کرپشن ءِ ھلاسی، گورننس ءِ گہتری ءُُ مڈل کلاس ءِ ھک آنی ارزشتی ایں ٹک آنی سر ءَ آ مرچی ھم اوشتاتگ، اولی بھر ءِ تہ ءَ حکومت ءِ مٹی بوتگ دومی بھر ءِ تہ ءَ نظام ءَ را مٹ کناں، عالیہ شاہ ءَ وتی کتاب ’’عمران خان ءُُ نوکیں پاکستان‘‘ ءَ پی ٹی آئی ءِ جاک ءُُ الیکشن 2018ءِ سفر نبشتہ کتگ ءُُ اے وشیں ستائی گپ اِت، اے وھد ءَ کتاب ءِ دوستی کم بوھان اِنت اے وھد ءَ اے رنگیں جہد ستائی گپ اِت، گوستگیں زمانگ ءَ ملکی ھزانگ آناں ساپ کنگ بوتگ، تحریک انصاف ءَ اولی بر ءَ کیاسگری ءِ گپ کتگ، عمران خان ءَ بستگ ءَ را پروشتگ ءُ نواز شریف ءُُ آصف زرداری ءِ راستیں لکا الس ءِ دیم ءَ پیش کتگ، مرچی نواز شریف ءُُ آصف زرداری ءِ کسو ھم مردم ءِ دپ ءَ اَنت، پاکستان ءِ 5 ہزار 5 سد 47 ارب ءِ کٹ ’’انکم‘‘ ءِ سیمی بھر سُت ءَ روگ ءَ بوتگ۔ اے ھیالانی درشانی آئی ءَ آدینگ ءِ روچ ءَ ادا نیشنل پریس کلب ءِ کلانہ ایں اینکر ءُُ ندکار عالیہ شاہ ءِ نوکیں کتاب ’’عمران خان ءُُ نوکیں پاکستان‘‘ ءِ دیمدرائی مراگش ءَ گوں گشتانک دیان ءَ کت۔
