اسلام آباد۔ 8فروری (اے پی پی ) صدر ڈاکٹر عارف علوی ءَ گشتگ کہ پاکستان نیشنل کونسل آف دی آرٹس ( پی این سی اے ) پاکستان ءِ دود ءُ ربیدگی پجّار اِنت کہ ملک ءِ تہءَ ءُ ڈنءَ ملک ءِ دودءُ ربیدگی عکسءَ پیش کنگءَ اِنت۔ حالءُ احیوال کاری ءِ سیکٹری شفقت جلیل ہم اے موہءَ ساڑی بوتگ۔ صدرءَ اے گپ ءِ سرءَ زور پِرداتگ کہ آرٹس اینڈ کلچر ءِ گیش کنگءَ المی گامگیج چست کنگ بہ بیت کہ پاکستان ءِ راستیں پجّار پدر کنگ بہ بیت ۔ آئی ءَ اے گپ ءِ سرءَ سدّکی ءِ درشانی کتگ کہ پی این سی اے دودءُ ربیدگی پڑءَ راجی پجّارءَ را پدر کنگءَ ارزانی ودی کنگءَ اِنت۔ صدرءَ اِزمءُ دودءُ ربیدگی سُرءُ پراں گیش کنگ ءُ پلگارگءَ پی این سی اے ءِ کردءَ راساڑاتگ۔
