اسلام آباد۔ 07 فروری (اے پی پی) بنجائی وزیر اطلاعات و نشریات چوہدری فواد حسین پارینے کہ تحریک انصاف نا حکومت آجوئی اظہار رائے نا بنداوی حق آ پورو یخین تخک، آجوئی صحافت و جمہوریت اسہ ایلو کن المی ءُ۔ اوداہیت ءِ پاکستان جرنلسٹ فاؤنڈیشن (پی جے ایف) نا ڈل اتون گپ و تران کرسا پارے ہرا پنچ شنبے نادے آ داڑے بنجائی وزیر اطلاعات ونشریات چوہدری فواد حسین تون اوڑدہی کریر۔ ڈل اٹی چیئرمین پاکستان جرنلسٹ فاؤنڈیشن راحت ذوالفقار ، وائس چیئرمین سینئر ٹی وی اینکر انیق ناجی، چیف آرگنائزر محسن گورایہ و ایلوفک اوار ئسر۔ بنجائی وزیر اطلاعات پاریے کہ جمہوریت اٹی ہی آجوئی صحافت پنپتی و مون آ کاہک ، فلاحی ریاست نا جوڑ کننگ و تالان کننگ کن آجوئی اظہار رائے المی ءِ۔ بنجائی وزیر چوہدری فواد حسین پارے کہ صحافی تا حق انا رکھ و شرحالی کن غٹ گام گیج کینہ۔ اوپارے کہ پاکستان میڈیا ریگولیٹری اتھارٹی نا جوڑ کننگ ءِ عمل اٹ اتنگ اُن۔ اتھارٹی نا جوڑ کننگ آن ون ونڈو آپریشن نا کمک اٹ صحافتی تے آسراتی دوبریک۔ بنجائی وزیر اطلاعات و نشریات پارے کہ میڈیا ورکرآتا دادرسی کن ہم دا فورم بے کچ فائدہ تروک جوڑ مریک۔ جان جوڑی انصاف کارڈ انا آسراتی ہم صحافی تے تننگک۔ اوپارے کہ ٹیکنالوجی نا کاریم اٹ اتنگ میڈیا نا ہیئت ءِ بدل کرینے داڑکن میڈیا انڈسٹری نا ساڑی تنکی نا تعلق معیشت تون آخا بلکن ٹیکنالوجی تون ءِ ، ہنداخاطران میڈیا ءِ اول سرآن تینا بزنس ماڈل نا جاچ ءِ ہلوئی مریک۔
