اسلام آباد۔7فروری (اے پی پی) مزن وزیر عمران خان ءَ گشتگ کہ حکومتءِ معاشی پالیسی جوڑ کنگءِ مولءُ مراد دولت ءِ پیداوار، ز رکاراں آسراتی دیئگ ءُ کاروبار ءَ ارزانی کنگ اِنت، اے پالیسی آں چہ ملکءَ روزگارءِ موہ ودی بنت، نیزگاری ءَ کمی کیئت ءُ ورناہ آں ہنر مند کنگءِ موہ دیما کااَنت۔ اے گپ امریکن بزنس کونسل ءِ ڈل ءَ گوں گپءُ تران کنانءَ آئیءَ پنچ شمبے ءِ روچءَ مزن وزیر کارگس ءَ گندءُ نندکنانءَ کتگ۔ امریکن بزنس کونسل پاکستان ءَ 65امریکی کمپنی آنی نمائندہ تنظیم اِت، اے امریکی کمپنی معیشت ءِ ہمک پڑءَ است اَنت۔ ڈلءِ باسکاں اے موہءَ گپءُ تران کتگءُ گشتگ۔ مزن وزیر ءَ را گشتگ کہ پاکستان ءَ ڈنی زرکاری کنگءِ بازیں موہ اَست اِنت۔ اے جوانیں پالیسی آنی برکتءَ میاں اوستمانی زرکار کمپنی پاکستانءَ بازیں پڑاں زرکاری کنگءَ اَنت کہ انوگیں حکومتءِ معاشی ءُ اقتصادی پالیسی آنی سرءَ اوستءِ درشانی اِنت۔
