کوئٹہ۔ 07 فروری (اے پی پی) وزیراعلیٰ بلوچستان جام کمال خان تون ڈپٹی اسپیکر قومی اسمبلی قاسم خان سوری اوڑدہی کرے، صوبائی وزیر میر ضیاء لانگو، سردار سرفراز خان ڈومکی، میر ظہور احمد بلیدی و محمد خان طور اتمانخیل ئسک ہم داوخت آ ساڑی ئسر۔ اوڑدہی ٹی سیاسی حالیت، بلوچستان نا شونداری ٹی بنجائی حکومت نا کمکاری و بلوچستان عوامی پارٹی و پاکستان تحریک انصاف نا جوڑ سیوت ءِ پین سوگو کننگ نا بابت معاملہ غاتیا گپ وتران کننگا و دا ہیت آ است جمی نا درشانی ءِ کننگاکہ بنجا و صوبہ ٹی ہڑتوم آ جماعت آک گچین سیوتی نا کڑد ءِ اداکننگ ءُ، ڈپٹی اسپیکر ہیت وگپ کرسا پارے کہ وزیراعظم عمران خان بلوچستان نا شونداری و شونہالی ءِ خصوصی اہمیت تننگ ءِ و صوبہ نا شونداری نا بابت وزیراعلیٰ نا سرکڑدہ ہی ٹی صوبائی حکومت نا کارکڑد نا ستاءِ کیک، ڈپٹی اسپیکر صوبہ نا شونداری و بنجاتون خوشگوار تعلقداری تے مون آ دننگ کن وزیراعلیٰ نا قائدانہ کڑد ءِ قابل قدر گوندا وخت اس کہ وزیراعلیٰ اومیت ظاہر کرے کہ ڈپٹی اسپیکر بنجائی پی ایس ڈی پی ٹی بلوچستان نا زیات آن زیات ڈٹ آتا اوار کننگ ءِ المی جوڑ کننگ کن تینا کڑد ءِ ادا کیک۔
