اسلام آباد۔7فروری(اے پی پی ) کشمیر ءُ گلگت بلتستان کارانی بنجاہی وزیر علی امین خان گنڈا پور ءَ گشتگکہ حکومت کشمیرءِ جیڑہ ءَ را گیش ءُ گیوار کنگءَ محکمیں گامگیج چست کنگ ءَ اِنت۔ آ پنچ شمبے ءِ روچءَ روٹری کلب اسلام آباد ءُ روٹری کلب گلوبل ءِ چیردستی ءَ کشمیرءِ یکوئی ءِ روچءِ درگتءَ یک کانفرنس ئے ءَ گوں تران کنگ ءَ بوتگ۔ بنجاہی وزیر ءَ گشتگ کہ ما بائد اِنت کہ کشمیر ءِ جیڑ ہ درگتءَ روچ گوازینگ ءُ ایرجنگی بیانءَ چہ دیم تر ہم گامگیج چست کنگ لوٹ ایت اے ہوالگءَ حکومت محکمیں گامگیج کنگءَ اِنت۔ آئیءَ گشتگ کہ کشمیر پاکستانءِ شہ رگ اِنت ءُ انوگیں حکومتءَ کشمیرءِ جیڑہءَ را گیشءُ گیوار کنگءِ جوانیں پالیسی جوڑ کتگءُ مزن وزیر عمران خان ءَ بھارتءَ را کشمیرءِ جیڑہءِ سرءَ سولءُ تران کنگءِ دعوت داتگ ءُ دری کارانی وزیر شاہ محمود قریشی ءَ ہم اقوام متحدہ ءِ جنرل اسمبلی ءِ فورم ءِ سرءَ کشمیرءِ جیڑہءَ را پدر کتگ۔
