اسلام آباد۔ 7فروری (اے پی پی ) سینیٹءِ چیئرمین محمد صادق سنجرانی ءَ گشتگ کہ پاکستان ءِ بازیں پڑاں سعودی زرکارانی کرد لکھ ستاہ کرز اَنت، بیپاری ءُ زرکاری پہ دوئیں ملک آنی دیریگیں دوستی ءَ را گیش محکم کنگءَ کمک دنت۔ اے حیالانی درشانی آئیءَ پنچ شمبے ءِ روچءَ مزن گس ءَ سعودی عرب ءِ سفیر نواف بن سعید المالکی ءَ گوں گندءُ نندءَ کتگ۔ سینیٹ چیئرمین ءَ گشتگ کہ سعودی ولی عہد محمد بن سلمان ءِ آؤکیں ترءُ تاب ءَ چہ اے دوستی گیش پراہءُ شاہگان بیت۔ محمد صادق سنجرانی ءَ سعودی عرب ءِ گوما وتی انوگیں ترءُ تابءِ ہوالگءَ گشتگ کہ سعودی عرب ءَ گوں جوانیںءُ پائدگ مندیں گپءُ تران بوتگ ءُ دوئیں نیمگءَ اے دوستی ءُ نزیکی ءَ گیش کنگءِ ہوالگءَ حیال ریچی کنگ بوتگ۔ گندءُ نند ءَ سینیٹءِ چیئرمین ءَ سعودی شوریٰ کونسل ءِ صدر ڈاکٹر عبداللہ محمد ابراہیم الشیخ ءَ راپاکستان ءِ ترءُ تاب کنگءِ ھاترءَ نبشتہ کتگیں نمدی سعودی سفیر ءِ دستءَ داتگ۔
