راجی اسمبلی ءِ اسپیکر اسد قیصر ءِ ’’اولڈ پارلیمنٹرینز فورم‘‘ ءِ بنگیجی مراگشءَ گوں تران

اسلام آباد۔ 7فروری ( اے پی پی) راجی اسمبلی ءِ اسپیکر اسد قیصر ءَ گشتگ کہ ملک ءَ اے وہدءَ بازیں تہی ءُ ڈنی جیڑہ اَست، ماوتی سیاسی کستءُ کینگءَ یک نیمگے ءَ ایر بہ کن اَنتءُ کار بہ کن اَنت۔ پنچ شمبے ءِ روچءَ پاکستان انسٹی ٹیوٹ آف پارلیمنٹری سروسزءَ ’’اولڈ پارلیمنٹرینز فورم‘‘ ءِ بنگیجی مراگشءَ گوں تران کتگءُ اسپیکرءَ گشتگ کہ ہاسیں فورم ءِ جوڑ کنگءَ پیسرگیں اسپیکر ایازصادق، سید خورشید احمد شاہ ، پیسرگیں مزن گسی کارانی وزیر شیخ آفتاب احمد ءُ زمرد خان لکھ ستاہ کرز اَنت، اے یک جوانیں فورم اِت۔ آئیءَ گشتگ کہ پاکستان مے درستانی اِنت، مارا یک جاہ گوں تپاکی ءَ کار کنگی اِت، ملک ءَ امنءُ کانودءِ حکومت بیت گڑا ملک دیمروئی کنت۔ آئیءَ گشتگ کہ ما پہ ہاسیں مردم (معذور) ءُ چوراہاں چاریں صوبہ آں یک یک بنجائے جوڑ کنگ لوٹ اَنت کہ ہودا وانگ جاہ ءُ لیب ءِ پڑ بنت۔