اسلام آباد۔ 7فروری (اے پی پی) مزن وزیر ءِ ھاسیں کمکار برائے میڈیا ءِ کار افتخار درانی ءَ گوشت کہ حکومت دُز ءُُ شتل آنی ھلاپ ءَ گامگیج آناں گیش مھکم کنگ ءِ ھوالگ ءَ راجی کیاسگری بیورو (نیب) ءِ کانود ءَ را گیش مھکم کنگ ءُُ ایشی ءِ تہءَ کم ءُُ گیشی ءِ واستہ تیار اِنت۔ یک جندی ٹی وی چینلے ءَ گوں تران کنان ءَ آئی ءَ گوشت کہ کیاسگری کانود ءِ کم ءُُ گیش نہ کنگ ءِ زمہ وار مسلم لیگ (ن) ءُُ پیپلز پارٹی ءَ پیسریگیں حکومت اَنت۔ آئی ءَ گوشت کہ نہ منوکیں پارٹی ءِ سروک قومی اسمبلی ءَ السی جیڈھ آنی گیواری ءِ واستہ ھک ءُُ دل نہ اِنت، پیپلز پارٹی ءُُ مسلم لیگ (ن) ایوان ءَ السی جیڈھ آنی سرءَ تران کنگ ءِ مٹ ءَ وتی سروک آنی ھلاپ ءَ جم بوتگیں کرپشن ءِ کیس آناں دارگ ءِ واستہ کوشست ءَ اَنت، دوئیں گل اانی سروک کیاسگری پڑ ءَ چہ تچگ ءِ واستہ ایوان ءَ نہ وشیں زبان کارمرد کنگ ءَ انت پدا ھم پی ٹی آئی ءِ حکومت اپوزیشن ءِ اے رنگیں شتلئی آں چہ برگشتہ نہ بیت ءُُ کرپشن ءَ گوں دست مانجن آناں کرانٹُک ءَ سر کنت۔
