اسلام آباد۔ 07 فروری (اے پی پی) زرکاری بورڈ انا چیئرمین ہارون شریف تون ہاشو گروپ نا ڈل اوڑدہی کرینے۔ زرکاری بورڈ آن جاری بیان نا رداٹ چیئرمین زرکاری بورڈ تون ہاشو گروپ نا حمید قدوائی و مرتضیٰ ہاشوانی اوڑدہی کریر و داوخت آ ہارون شریف ڈل ءِ قومی معیشت نا چندی بشخ آتے ٹی زرکاری ، واپاری و ملکی معیشت نا بابت آن کروک آ گام گیج آتا سرجم آتیان معلومدار کرے۔ چیئرمین زرکاری بورڈ (بی او ای) ہارون رشید تون سپین نا سفیر مینوئل دران جیمنز ریکو داڑے زرکاری بورڈ اٹی اوڑدہی کرینے۔ زرکاری بورڈ انا ترجمان پارینے کہ دا وخت آ چیئرمین زرکاری بورڈ قومی معیشت نا چندی بشخ آتے ٹی زرکاری نا وارخواہی، درملکی زرکاری نا رکھ ، کٹیا تا گدریفنگ و ملک اٹی واپاری آسامی تا بابت حکومت نا گام گیج آتیان معلومدار کرے۔ سپین نا سفیر پارے کہ سپین نا زرکار آک پاکستان اٹی چندی بشخ آتے ٹی زرکاری ٹی بھاز است خواہی تخرہ۔
